Lareira de Soños e NPG rescatan o prólogo de Carvalho Calero para Nimbos

Carbalho Calero en Betanzos, na clausura dun curso de galego organizado pola A. C. Betanceira en 1985. Na foto, entre outros, Nacho Taibo, profesor do curso, Xulio Cuns, Alfredo Erias e Xesùs Torres. Foto da AC Eira Vella

A Asociación Socio-Cultural Lareira de soños e o grupo poético NPG Nova Poesia Guitirica venhem de recuperar o texto do prólogo escrito polo professor Ricardo Carvalho Calero para a segunda edição de NIMBOS, do poeta vilarego José María Diaz Castro publicado em 1981 pola Editora Nacional (hoje desaparecida e recuperado em 1985 por AGAL (Asociaçom Galega da Língua).

“O texto não foi reeditado em nunguma das edições posteriores, nin de Galaxia ni de La Voz de Galicia em 2002. Recuperámolo agora para a súa divulgação gratuita nas nossas redes sociais em PDF como homenagem ao próximo titular das letras galegas em 2020 e ao seu amigo, o nosso poeta Díaz Castro” explica Lareira de Soños.

“Alfonso Blanco- fundador de Xermolos, do festival de Pardiñas e crego en Guitiriz- tem acompanhado a Díaz Castro a conhecer em pessoa a Carvalho Calero em 1986 num apartamento que este possuía em Lugo e a súa amizade foi medrando com numerosos encontros posteriores, fundamentalmente em Compostela onde o visitava no despacho da antiga facultade de filología em Mazarelos para dar longos passeios polo casco histórico de Santiago” destacan.

“Este prólogo supón um auténtico tratado arredor da poesía de Díaz Casteo á que Carvalho denomina “a poesía total” e que nós facilitamos para o seu conhecemento a tódalas pessoas que não tiverom a posibilidade de acceder a tan prezado documento” explican desde a entidade.

Desde Lareira de Soños aproveitan “para agradecer a Alfonso Blanco Torrado e Xermolos assim como a Eduardo Maragoto, presidente de AGAL, as facilidades e colaboração em tudo o relacionado com ámbolos dois eruditos das nossas letras”. Pode descargarse de balde desde o seu web.