O concello anunciou o amaño das pistas deportivas do Xuncaliño, As Miñas e A Condesa

O concelleiro Andrés Hermida e a alcaldesa nas pistas deportivas das Minas

O goberno local  anunciou que o Concello renovou diversas  pistas polideportivas ás que agora acaba de dotar de novo equipamento. Trátase das pistas de  Xuncaliño, As Minas e A Condesa nas que o Concello realizou diversas obras de mellora e acondicionamento.

Instalouse equipamento que permitirá a práctica deportiva de varias disciplinas. Trátase de  porterias que levan aparelladas canastras con taboleiro. A propia alcaldesa, María Barral, e o concelleiro de Deportes, Andrés Hermida, supervisaron as instalacións.

Previamente a esta dotación, o  Concello investiu uns 123.000 euros en diversas pistas deportivas como a de As Minas, coa roza da contorna, a limpeza perimetral do pavimento, por medios manuais, eliminando restos de herbas e terra acumulada e o acondicionamento de camiño de acceso; a pavimentación da pista mediante aglomerado asfáltico e o pintado para para  futbol sala, baloncesto e balonmán e pecharase  perimetralmente.

A de O Xuncaliño, que presentaba irregularidades no pavimento da pista con gretas, fisuras, formación de charcos e na que se dispuxo dun novo pavimento  con marcaxe e sinalización de pista para futbol sala, baloncesto e balonmán.

E a de Guiliade con arranxos na pista cuberta cuxa cuberta presentaba sucidade acumulada.