Imputado por conducción temeraria o conductor que atravesou o seu coche o domingo na rúa Rosalía

Un vehículo vermello cortando, en perpendicular ás beirarrúas, o tránsito na rúa Rosalía de Castro deu a volta ás redes sociais betanceiras o pasado domingo. É dun veciño de Miño, de 29 anos, que ao parecer bateu sobre a unha da mañá tras facer varias voltas e conducir temerariamente.

Tras o percance, no que batiu con ata seis vehículos estacionados, o conductor escapou do lugar. Por fortuna non alcanzou ás persoas que estaban a esa hora na rúa tras o peche dos locais hostaleiros. Tardaría en ser localizado ata a tarde do domingo seguinte. Agora impútaselle un delito de condución temeraria.